“Konstitusiya və Suverenlik İli” çərçivəsində Bilik yarışı keçirildi
4-05-2025, 11:00
Yeni Azərbaycan Partiyası (YAP) Nizami rayon təşkilatı tərəfindən “Konstitusiya və Suverenlik İli” çərçivəsində, Ümummilli Lider Heydər Əliyevin anadan olmasının 102-ci ildönümünə həsr olunmuş Bilik yarışı təşkil olunub. Tədbirdə Nizami rayonunda yerləşən kolleclərin və təhsil müəssisələrinin tələbələrindən ibarət 27 komanda – hər biri 5 əsas, 2 ehtiyat iştirakçı olmaqla – mübarizə aparıb.
Bu cür bilik yarışlarının keçirilməsində əsas məqsəd dövlətin gənclər siyasətinə dəstək göstərmək, gənclərin intellektual potensialını üzə çıxarmaq və onların vətənpərvərlik ruhunda yetişməsinə töhfə verməkdir.
Geri