İsmayılov Vilayət İsmayıl oğlu
          Təvəllüd -1956
İş yeri:
1973-1978-ci illərdə Azərbaycan (Bakı) Dövlət Universitetinin   
Fizika fakültəsinin tələbəsi olmuşdur.
          1978-1979-cu illərdə Azərbaycan EA Təbii Ehtiyatların Kosmik tədqiqatları          
          İnstitutunda böyük mühəndis işləmişdir.
          1979-1981-ci illərdə SSRİ EA A.F.İoffe adına Fiziki-Texnika İnstitutunda (Leninqrad şəhəri)  stajçı-tədqiqatçı, 1981-84-cü illərdə həmin İnstitutda Nobel Mükafatı Laureatı, akademik J.İ.Alfyorovun rəhbərliyi ilə əyani şöbədə aspirant olmuşdur. 1985-ci ildə bu İnstitutun Elmi Şurasında namizədlik dissertasiyası müdafiə etmiş və fizika riyaziyyat elmləri namizədi  elmi dərəcəsi almışdır.
      1985-2002-ci illərdə Bakı Dövlət Universitetində (BDU) baş elmi işçi, tədris hissəsinin baş təlimatçısı vəzifələrində işləmiş, 2002-2005-ci illərdə BDU-nun Təbiət fakültələri üzrə fəlsəfə kafedrasının doktorantı olmuş, 2006-cı il sentyabrın 23-də Bakı Dövlət Universiteti nəzdindəki dissertasiya şurasında “Müasir fizikanın paradiqmaları vəmetodoloji prinsiplərinin  məntiqi qnesoloji təhlili” mövzusunda fəlsəfə elmləri doktoru  elmi dərəcəsi almaq üçün müdafiəsinin təşkili keçirilmişdir. Azərbaycan Respublikasının Prezidenti yanında Ali Attestasiya Kommissiyası  Riyasət Heyətinin  23.02.2007-ci il tarixli (prot.№ 04.R) qərarı ilə ona fəlsəfə üzrə elmlər doktoru elmi dərəcəsi verilmişdir.
     2002-ci ilin iyul ayından 2006-cı il dekabrın 28-dək Gənclər, İdman və Turizm Nazirliyinin nəzdində Gənclərin Problemləri üzrə Elmi Araşdırmalar Mərkəzinin direktoru, 2006-cı ilin dekabrından 1-dən 2015-ci il iyulun 13-dək Azərbaycan Respublikası Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin direktoru olmuşdur. 2015-ci il iyulun 13-dən 2016-cı il iyulun 1-dək Azərbaycan Respublikası Təhsil Nazirliyi Bakı İdarəetmə və Texnlogiya kollecinin direktoru olmuşdur.2016-cı il sentyabrın 23-dən Azərbaycan Respublikası Təhsil Nazirliyi Bakı Qida Sənaye kollecinin direktorudur. Odlar yurdu Universitetinin professorudur.
Azərbaycan Respublikasında dissertasıyaların əsas nəticələrinin dərc olunması tövsiyə edilən dövrü elmi nəşrlərin siyahısına daxil olmuş beynəlxalq “Müasir mədəniyyətşünaslıq” elmi publisistik jurnalının baş redaktorudur. “Avrasiya İnzibati Elmlər Akademiyasının xəbərləri” beynəlxalq elmi jurnalının redaksiya heyətinin üzvüdür.
Yeni Azərbaycan Partiyası Nizami rayon Bakı Qida Sənaye kolleci ərazi ilk partiya təşkilatının sədridir.
Azərbaycan Respublikasının Prezidenti yanında AAK-ın Fəlsəfə, pedaqogika, psixologiya, ilahiyyat üzrə ekspert şurasının üzvüdur.
2007-ci ildə Beynəlxalq Mükafatlandırma Palatasının “Elm Elitası” fəxri medalı ilə təltif olunmuşdur..
80-dən çox elmi əsərin, o cümlədən 4 ixtira, 8 monoqrafiyanın, ali məktəblər üçün 3 dərs vəsaiti, 1 tədris proqramının müəllifidir, 1 tədris proqramı 1 dərs vəsaiti və 1 monoqrafiya çapdadır.

Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031