“Xocalı harayı”

  • Çap
Ətraflı
Nəşr edilib 22-02-2023 15:19
Baxış sayı: 765

Azərbaycan Dövlət İqtisad Universitetinin nəzdində Qida Sənayesi Kollecində Xocalıya həsr olunmuş “Xocalı harayı” adlı tədbir keçirilmişdir.Həmkarlar İttifaqının sədri Sevinc Şərifova tədbiri açaraq bildirib ki, fevralın 25-dən 26-na keçən gecə Ermənistan hərbi birləşmələrinin Xankəndində yerləşən 366-cı alayının hərbiçiləri tərəfindən törədilmiş soyqırımı və erməni məkrli siyasətinin qanlı cinayətləri yaddaşımızdan heç vaxt silinməyəcək.Onun çıxışından sonra Dövlət Himni səsləndirilmiş,Xocalı qurbanları və qardaş Türkiyədə zəlzələ zamanı həlak olanların xatirələri bir dəqiqəlik sükutla yad edilmişdir.

Daha sonra Kollecin direktoru Vilayət İsmayılov çıxış edərək bildirib ki,Xocalı soyqırımı xalqımızın qan yaddaşıdır.Bu faciə zamanı Xocalı yerlə-yeksan edilib,uşaq,qadın,qoca demədən insanlar vəhşicəsinə qətlə yetirilib,itki düşüb,əsir alınaraq olmazın əzab və işgəncələrinə məruz qalıblar.Lakin 2020-ci il sentyabrın 27-də erməni təxribatlarına cavab olaraq Azərbaycanın “Dəmir yumruq”əməliyyatı ilə başladığı 44 günlük Vətən müharibəsində ordumuz düşmən üzərində qələbə çalaraq Xocalı qurbanlarının və bütün şəhidlərimizin intiqamını almışdır.Daha sonra Tərbiyə işləri üzrə direktor müavini Sevinc Həmzəyeva çıxış edərək qeyd edib ki,ölkə rəhbərliyinin apardığı məqsədyönlü siyasət nəticəsində işğaldan azad edilən digər bölgələrimiz kimi Xocalının da həsrətinə tezliklə son qoyulacaq,sakinlər öz yurdlarına geri dönəcəklər.Tarix müəllimi Gülnar Hacızadə soyqırımın tarixindən danışaraq Xocalıda baş verənləri təkcə Azərbaycan xalqına qarşı soyqırımı deyil,bütöv bəşəriyyətə qarşı yönəldilən qanlı cinayət olduğunu qeyd etmişdir.
 Tədbirdə “əsrin faciəsi”nin reallıqlarını əks etdirən videoçarx nümayiş olunmuş,Xocalıya həsr olunmuş şeirlər tələbələr tərəfindən səsləndirilmişdir.Həmçinin Kollecin kitabxana heyəti tərəfindən hazırlanmış səhnəcik göstərilmişdir.