“Heydər Əliyev və Azərbaycan iqtisadiyyatı” - konfrans

  • Çap
Ətraflı
Nəşr edilib 29-04-2023 10:36
Baxış sayı: 230
Azərbaycan Dövlət İqtisad Universitetinin (UNEC) nəzdində Azərbaycan Maliyyə-İqtisad Kolleci, Sosial-İqtisadi Kollec və Qida Sənayesi Kollecinin birgə təşkilatçılığı ilə “Heydər Əliyev və Azərbaycan iqtisadiyyatı” mövzusunda konfrans keçirilib.




Bu barədə AZƏRTAC-a Sosial-İqtisadi Kollecdən məlumat verilib. Bildirilib ki, əvvəlcə konfrans iştirakçıları Sosial-İqtisadi Kollecdə tələbələrin Ulu Öndərə həsr etdikləri əl işləri ilə tanış olublar. Tədbir Ulu Öndər Heydər Əliyevin, görkəmli oftalmoloq-alim, akademik Zərifə Əliyevanın və ölkəmizin ərazi bütövlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlanıb.
Tədbirdə çıxış edən Sosial-İqtisadi Kollecin direktoru pedaqoji elmlər doktoru Vidadi Orucov konfransın işinə uğurlar arzulayıb.
Sabunçu Rayon İcra Hakimiyyətinin şöbə müdiri Ədalət Teymurov, Qida Sənayesi Kollecinin direktoru professor Vilayət İsmayılov, Azərbaycan Maliyyə-İqtisad Kollecinin direktor müavini Kərim İsmayılov, Sabunçu Rayon Gənclər və İdman İdarəsinin rəis müavini Rakif Məmmədov və UNEC rektorunun kolleclər üzrə nümayəndəsi dosent Nuru Mikayılov çıxış edərək müasir müstəqil Azərbaycanın memarı və qurucusu Ulu Öndərin dövlətimizin müstəqilliyi, inkişafı naminə böyük və əvəzedilməz işlər gördüyünü, ölkəmizin bu günü və gələcəyi üçün zəngin irs qoyduğunu qeyd ediblər.
Konfransda Sosial-İqtisadi Kollecdən iqtisad elmləri doktoru Nazim Cahangirovun “Heydər Əliyev Azərbaycanın iqtisadi inkişaf strategiyasının banisi kimi”, Qida Sənayesi Kollecindən Səba Məmmədovanın “Heydər Əliyev və Azərbaycan iqtisadiyyatı”, Maliyyə-İqtisad Kollecindən Nəzakət Quliyevanın “Heydər Əliyev irsi: müasirlik, müstəqillik və dövlətçilik” mövzularında məruzələri dinlənilib.
Tələbələrdən Maliyyə-İqtisad Kollecindən Aytən Qənbərzadə “Heydər Əliyev və vergi siyasəti”, Fatimə Həsənzadə “Azərbaycan audit xidmətinin yaranmasında Heydər Əliyevin rolu”, Qida Sənayesi Kollecindən Albert Vəliyev “Heydər Əliyev və milli-mənəvi dəyərlər”, Sevda Əmrahova “Heydər Əliyev və Əsrin müqaviləsi”, Sosial-İqtisadi Kollecdən Aynur Abıyeva “İşğaldan azad olunmuş torpaqların iqtisadi potensialı” və Rasim Kazımov “Heydər Əliyevin müəyyən etdiyi Azərbaycan iqtisadiyyatının inkişaf istiqamətləri” mövzularında məruzələrlə çıxış ediblər.
Konfrans bədii hissə ilə davam edib
https://azertag.az/xeber/Heyder_Aliyev_ve_Azerbaycan_iqtisadiyyati___konfrans-2593523




Xəbərlər

Təqvim

«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 

Elanlar