Qürurla andığımız 27 sentyabr

Ətraflı: Nəşr edilib 27-09-2023 08:28; Baxış sayı: 198

Qürurla andığımız 27 sentyabr...
Hər il olduğu kimi bu ildə 44 günlük zəfər savaşında, II Qarabağ müharibəsində qəhramanlıqla döyüşərək canlarını fəda edən şəhidləri anırıq.
Azərbaycan Respublikasının Konstitusiyasının 109-cu maddəsinin 32-ci bəndinə əsasən Anım Günü təsis olunmuşdur. Bu vətən uğrunda canından keçən qəhrəman oğul və qızlarımızın xatirəsinə Azərbaycan dövlətinin, prezident İlham Əliyevin ali ehtiramının göstəricisidir.
İşğal altında olan torpaqlarmız qəhraman şəhidlərimizin, əsgər və zabitlərimizin, qazilərimizin qanı və canı bahasına azad edilmişdir.Vətən müharibəsində Silahlı Qüvvələrimizin 3min nəfərədək hərbi qulluqçusu həlak olmuş, 100 nəfərdən artıq hərbi quluqçusu itkin düşmüş, 100 nəfərdən artıq hərbi qulluqçumuz yaralanaraq sağlamlığını itirmişdir.
Bu gün ölkəmizin ərazi bütövlüyü yolunda canlarından keçən igid oğullarımız Azərbaycan Dövlət İqtisad Universitetinin nəzdində Qida Sənayesi Kollecində də yad edilmişdir. Kollecin Tarix müəllimləri Xəyalə Həsənova, Gülnar Hacızadə qrup rəhbəri olduqları KS-023, ƏT-023 saylı qruplardakı dərs saatlarını Anım Gününə həsr etmişlər. İlk olaraq Himn səslənmiş, şəhidlərimiz sükutla yad edilmişdir. Sonra 44 günlük müharibənin öncəsi va sonrası tarixçi gözü ilə tələbələrə çatdırılmışdır. Tələbələr hazırladıqları video çarxları təqdim etmiş , müharibə ilə bağlı topladıqları maraqlı faktları danışmışlar.
Bu gün iftixarla qeyd edə bilərik ki, Azərbaycan xalqının vətənpərvərlik hissi olduqca yüksəkdir. Övladlarını itirən ata və analar qürurla “Vətən sağ olsun” deyirlər. Bəli, “Vətən sağ və bütöv olsun”. İgidlərin göstərdiyi mərdlik sayəsində düşmən tapdağında olan torpağlarımız azad olundu və həmin torpaqlarda Azərbaycan bayrağı dalğalandı.
Qürurla andığımız Vətən üçün yaşanan ömürlər,ruhunuz şad olsun!