Daun sindromlu uşaqlarla görüş 20.12.2023

  • Çap
Ətraflı
Nəşr edilib 20-12-2023 19:17
Baxış sayı: 296


Günəş kimi işıq saçırlar...Parlaqdırlar, sevimlidirlər, hamısı da bir-birinə bənzəyir...Tək görünüşləri deyil, taleləri də oxşardır...Bir ömür boyu - ən çox da 30 il məhrumiyyətlərlə yaşayırlar... Onlar daun sindromlu uşaqlardır. Həmin uşaqlar üçün dövlətimiz qayğı göstərərək xüsusi mərkəzlər açmışdır. Bu mərkəzlərdə uşaqlar və yeniyetmələrlə reabilitasiya işi aparılır, ünsiyyət, özünəxidmət və sadə əmək vərdişləri formalaşdırılır, çatışmazlıqların korreksiyası üzrə məşqlər keçirilir, sağlamlıq imkanları məhdud şəxslərin sosial statusunun bərpa edilməsi və onların cəmiyyətə inteqrasiyası təmin edilir.
Dünya Azərbaycanlılarının Həmrəylik günü və Yeni il bayramı ərəfəsində Azərbaycan Dövlət İqtisad Universitetinin nəzdində Qida Sənayesi Kollecinin əməkdaşları bu uşaqlarla görüşmək üçün “Qayğı-Sağlam Nəsil Naminə” İctimai Birliyində qonaq oldular.  Tərbiyə işləri üzrə direktor müavini Sevinc Həmzəyevanın təşəbbüsü ilə baş tutan görüş xoş xatirələrlə yaddaşlara həkk olundu. Kollektiv üzvləri bu cür uşaqların cəmiyyətdə də diqqətdən kənar qalmamaları üçün hər kəsin bu yerlərə tez-tez gələrək onların yaşadığı hissləri az da olsa duymalarının vacib olduğunu vurğulamışlar.  
Uşaqların sevgisi ilə əhatə olunan Sevinc xanım mərkəzin rəhbəri Natella Həsənovaya və həmin birliyin əməkdaşlarına öz minnətdarlığını bildirərərək, gördükləri bu məsuliyyətli işdə onlara uğurlar arzulamışdır.
Daun xəstəlik deyil, sindromdur. Onlar heç vaxt böyümürlər və uşaq kimi daim köməyə ehtiyac duyurlar. Onlara qayğı və diqqət göstərmək hər birimizin borcudur.  Unutmayaq, onlar bizə əmanətdir !



Xəbərlər

Təqvim

«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 

Elanlar