Azərbaycan Dövlət İqtisad Unversitetinin nəzdində Qida Sənayesi Kollecində tanınmış şair,Azərbaycan Yazıçılar Birliyinin üzvü Vahid Əzizlə "Sözün Sehrində" adlı görüş keçirilib.
Görüş Kollecin tələbələrinin hazırladığı şairin şeirlərindən ibarət kompozisiyası ilə başlayıb.
Çıxış üçün səhnəyə dəvət olunan Xalq şairi Vahid Əziz tələbələr tərəfindən təqdim olunan kompozisiyanı yüksək dəyərləndirdiyini bildirib, yaradıcılığına həsr olunmuş hər görüşdən böyük fərəh hissi duyduğunu dilə gətirib.
Daha sonra qarşılıqlı söhbət şəklində davam edən görüşdə Vahid Əziz şeirləri ilə bağlı xatirələrini bölüşüb,həyat yolunun maraqlı məqamlarından, sürətlə dəyişən dünyada nəsillər arasındakı oxşar və fərqli cəhətlərdən danışıb.Yeni qələmə aldığı şeirlərini oxuyub, oxucuların suallarını cavalandırıb.
Sonda qonaq imzalı kitablarını kollecin kitabxanasına hədiyyə edib və xatirə şəklinin çəkdirilməsi ilə görüş yekunlaşıb.
Qeyd edək ki, görüş şair Vahid Əziz və poeziya vurğunları tərəfindən böyük maraq və rəğbətlə qarşılanıb.

---