Orta İxtisas Təhsil Müəssisələrinin Rəhbərləri Üçün Təlim Keçirildi!

Ətraflı: Nəşr edilib 09-02-2025 19:45; Baxış sayı: 54

Elm və Ali Təhsil üzrə Dövlət Agentliyi tərəfindən orta ixtisas təhsil müəssisələrinin rəhbərləri üçün təlim keçirilmişdir. 5 gün davam edən təlim orta ixtisas təhsil müəssisələrinin fəaliyyətinin təkmilləşdirilməsi və həmin müəssisələrə rəhbərliyi həyata keçirən şəxslərin peşəkar bacarıqlarının artırılması məqsədilə keçirilib.

Təlimin son günündə Elm və Ali Təhsil üzrə Dövlət Agentliyinin direktoru Ülkər Səttarova çıxış edib. O çıxışında kadr siyasəti, təhsildə strateji məsələlər, idarəetmənin təkmilləşdirilməsi, ixtisasların yenilənməsi kimi bir çox vacib məsələlərə toxunaraq öz tövsiyyələrini verib və təlim iştirakçılarına uğurlar arzulayıb.

Təlimdə Azərbaycan Dövlət İqtisad Universitetinin nəzdində Qida Sənayesi Kollecinin direktoru Sevinc Həmzəyeva da iştirak edib və bu təlimi müvəffəqiyyətlə başa vurub.

Proqram çərçivəsində təlim iştirakçılarına sertifikatlar təqdim olunub.

Elm və Ali Təhsil üzrə Dövlət Agentliyinə kollecimiz adından yaratdıqları şərait üçün təşəkkür edirik!