Qida Sənayesi Kollecində 27 Sentyabr – Anım Gününə həsr olunmuş seminar keçirildi

  • Çap
Ətraflı
Nəşr edilib 25-09-2025 12:16
Baxış sayı: 37
2025-ci il sentyabrın 25-də UNEC nəzdində Qida Sənayesi Kollecində tarix müəllimi Kazımova Vüsalə Aydın qızı tərəfindən 27 Sentyabr – Anım Gününə həsr olunmuş seminar təşkil olunmuşdur. Tədbirin keçirilməsində məqsəd tələbələrə Vətən müharibəsinin gedişatı, bu müharibədə xalqımızın göstərdiyi birlik və həmrəylik nümunələri, həmçinin torpaqlarımızın azadlığı uğrunda canından keçən şəhidlərimizin və qəhrəman döyüşçülərimizin şücaəti barədə ətraflı məlumat vermək olmuşdur. Seminar zamanı müəllim Vüsalə Kazımova çıxış edərək Azərbaycan tarixində xüsusi yer tutan 44 günlük Vətən müharibəsinin nəticələri, dövlətimizin qazandığı tarixi Qələbə və bu qələbənin xalqımız üçün əhəmiyyətindən danışmışdır. O, həmçinin tələbələrin diqqətinə çatdırmışdır ki, bu gün müstəqil Azərbaycanda gənclərin vətənpərvər ruhda yetişməsi, tarixi həqiqətləri dərindən öyrənməsi və şəhidlərimizin xatirəsini daim uca tutması hər birimizin müqəddəs vəzifəsidir. Seminarın sonunda tələbələr qəhrəman şəhidlərimizin xatirəsinin daim qəlblərdə yaşayacağını vurğulamışlar.

[media=https://youtube.com/shorts/yb3Si78vsf0?si=I2JPcZzYNUc-R6XG]