UNEC nəzdində Qida Sənayesi Kollecində elmi-metodik fəaliyyətin daha bir uğuru!

Kollecimizin direktoru Sevinc Həmzəyevanın müəllifi olduğu “44 günlük Vətən müharibəsinin xronologiyası” adlı kitab nəşr olunaraq oxuculara təqdim edilib. Bu dəyərli nəşr 44 günlük Vətən müharibəsinin hər gününü ardıcıllıqla və faktlara əsaslanaraq təqdim etməklə, yaxın tariximizin ən həlledici məqamlarını elmi dəqiqliklə bir araya gətirir. Kitab həm təhsilalanların tarixi prosesləri dolğun şəkildə qavramasına, həm də onların vətənpərvərlik ruhunun gücləndirilməsinə xidmət edən mühüm mənbələrdən biri kimi dəyərləndirilir.

Bununla yanaşı, kollecin tarix müəllimi Kazımova Vüsalə tərəfindən hazırlanmış “8 Noyabr — haqqın, ədalətin və bütövlüyümüzün qələbəsidir” adlı metodik vəsait də nəşr olunub. Vəsait 8 Noyabr Zəfər Gününün tarixi əhəmiyyətini, siyasi və milli dəyərlərimizi, həmçinin bu günün dərslərdə necə tədris olunmasının üsul və metodlarını əhatə edir. Müəllim və tələbələr üçün praktik istifadəyə yönəlmiş bu vəsait müasir tədris prosesində əhəmiyyətli rol oynayacaq.

Hər iki müəllifimizin hazırladığı nəşrlər kollecin elmi, metodik və maarifçilik fəaliyyətinə dəyərli töhfədir. Onları bu uğurlu iş münasibətilə səmimi-qəlbdən təbrik edir, gələcək yaradıcılıq fəaliyyətlərində bol uğurlar arzulayırıq.

---