“Cins seçiminin qarşısının alınması” mövzusunda əhatəli psixoloji maarifləndirici təlim keçirildi

  • Çap
Ətraflı
Nəşr edilib 21-11-2025 14:08
Baxış sayı: 6
ADIU -nun nəzdində Qida Sənayesi Kollecinin psixoloqu Bəsti Haciyeva tərəfindən tələbələr arasında “ Cins seçiminin qarşısının alınması” mövzusunda əhatəli psixoloji maarifləndirici təlim keçirildi. Təlimin məqsədi gənclərdə gender yanaşmasının düzgün formalaşdırılması, cinsə görə ayrı-seçkiliyin psixoloji köklərinin anlaşılması və cins seçimi kimi ciddi sosial problemin fəsadları barədə məlumatlılığın artırılması idi.
Təlim zamanı aşağıdakı məqamlar geniş şəkildə izah olundu:
Sosial stereotiplərin formalaşması – ailə, cəmiyyət və media təsiri ilə yaranan gender rolları və onların insan psixologiyasına təsiri.

Cins seçiminin yaranma səbəbləri – yanlış inanclar, mədəni təsirlər və psixoloji faktorlar.

Cins seçiminin nəticələri – demoqrafik disbalans, ailədaxili münasibətlərdə gərginlik və cəmiyyətin gələcəyi üçün risklər.

Gənclərin rolu – maarifləndirmə, düzgün münasibət formalaşdırılması və stereotiplərin qırılmasında tələbələrin əhəmiyyəti.