Qida Sənayesi Kollecinə Tələbə Təhsil Krediti Fondu tərəfindən növbəti maarifləndirici səfər həyata keçirilib.

  • Çap
Ətraflı
Nəşr edilib 01-12-2025 11:23
Baxış sayı: 6
UNEC nəzdində Qida Sənayesi Kollecinə Tələbə Təhsil Krediti Fondu tərəfindən növbəti maarifləndirici səfər həyata keçirilib. Görüş çərçivəsində ödənişli təhsildə olan tələbələrlə geniş şəkildə təlim keçirilib, Tələbə Təhsil Kreditinin verilməsi, ödəniş qaydaları və üstünlükləri barədə ətraflı məlumat verilib.

Təlim zamanı həmçinin diqqətə çatdırılıb ki, TTK vasitəsilə təhsil haqqını ödəyib məzun olan, lakin iş tapa bilməyən gənclərin dəstəklənməsi məqsədilə Fond tərəfindən artıq 1 ildir ki, xüsusi şöbə fəaliyyət göstərir. Məzunlar bu şöbəyə müraciət etməklə işə yönləndirilmə, vakansiyalarla bağlı məlumatlandırma və uyğun iş yerinə cəlb olunmaları üçün Fondun dəstəyindən istifadə edə biləcəklər.

Görüş tələbələr üçün həm bilgiləndirici, həm də gələcək karyera imkanlarını genişləndirən əhəmiyyətli tədbir kimi qiymətləndirilib.