UNEC-in Qida Sənayesi Kolleci ilə Milla Dairy arasında strateji əməkdaşlıq memorandumu imzalandı

  • Çap
Ətraflı
Nəşr edilib 03-02-2026 14:30
Baxış sayı: 11
Azərbaycan Dövlət İqtisad Universitetinin (UNEC) nəzdində fəaliyyət göstərən Qida Sənayesi Kolleci ilə ölkənin aparıcı qida istehsalçılarından biri olan Milla Dairy MMC arasında strateji əməkdaşlıq haqqında Memorandum imzalanmışdır.

Memorandum Qida Sənayesi Kollecinin direktoru Sevinc Həmzəyeva və Milla Dairy MMC-nin İdarə Heyətinin sədri Azər Vahabzadə tərəfindən imzalanmışdır.

Əməkdaşlıq çərçivəsində real biznes mühitinin təhsil prosesinə inteqrasiyası, tələbə və gənc mütəxəssislərin istehsalat sahəsinə marağının artırılması, onların praktik bilik və bacarıqlarının inkişaf etdirilməsi, eləcə də gələcəkdə qida sənayesi üzrə kadr potensialının gücləndirilməsi istiqamətində birgə layihələrin həyata keçirilməsi nəzərdə tutulur.

Görüş zamanı qida sənayesində müasir yanaşmalar, istehsalat təcrübələrinin təşkili, təhsil–biznes əməkdaşlığının genişləndirilməsi və gənclərin real iş mühitinə hazırlanması mövzularında ətraflı fikir mübadiləsi aparılmışdır.

Bu əməkdaşlıq qida sənayesi sahəsində yüksək ixtisaslı və rəqabətqabiliyyətli kadrların hazırlanmasına mühüm töhfə verəcəkdir.