UNEC nəzdində Qida Sənayesi Kollecinin Qida ekspertizası laboratoriyasının müdiri Sevda Süleymanovanın doğum günüdür. Sevda xanımı 50 illik yubileyi münasibətilə kollektiv üzvləri təbrik edir, ona sağlıqlı həyat,işlərində uğurlar arzulayırlar.

HÖRMƏTLİ ƏDALƏT MÜƏLLİM! Sizi və çox dəyərli UNEC ailəmizin bütün üzvlərini Milli Qurtuluş Günü və Müqəddəs Qurban Bayramı münasibətilə səmimi qəlbdən təbrik edirik, bacarıqlı rəhbərliyinizlə əldə etdiyimiz uğurların davamlı olacağına inanırıq. Hörmətlə, UNEC-in nəzdində Qida Sənayesi Kollecin kollektivi adından direktor Sevinc Həmzəyevə.

Azərbaycan Dövlət İqtisad Universitetinin nəzdində Qida Sənayesi Kollecinin rəhbər heyətində dəyişiklik olmuşdur. Azərbaycan Dövlət İqtisad Universitetinin prorektoru Gəray Musayev təqdimat üçün kollecə gəlmişdir. O çıxış edərək Vilayət İsmayılovun fəaliyyəti dövründə qazandığı uğurlara görə UNEC-in rektoru professor Ədalət Muradov tərəfindən Fəxri fərmanla təltif olunduğuna görə təbrik edərək ona gələcək həyatında, fəaliyyətində uğurlar arzu etmişdir.

Azərbaycan Dövlət İqtisad Universitetinin nəzdində Qida Sənayesi Kollecində “Milli Qurtuluş Gün” münasibətilə tədbir keçirilmişdir. Tədbirdə çıxış edən kollecin müəllimi Nəzakət Atakişiyeva iyunun 15-i xalqımız üçün əsl qurtuluş tarixi olduğunu söyləyərək, bu tarixi yaradanın  Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan bir insan - Heydər Əliyev olduğunu vurğulamışdır.

Azərbaycan Dövlət İqtisad Universitetinin nəzdində Qida Sənayesi Kolleci 2024-cü ilin məzunlarını yola salır. Əziz tələbələr, insan həyatında elə günlər olur ki, ömür boyu unudulmur. Tələbəlik illəri də belə illərdəndir. Məqsədiniz üçün gəldiyiniz bu kollecden vidalaşmaq vaxtı çatmışdır. Ümid edirik ki , geridə qalan illlər sizin yaddaşınızda xoş izlər buraxmışdır. İnşallah həyatda öz yerinizi tapıb, bizim hər zaman fəxr edəcəyimiz tələbələrimizdən olacaqsınız. Hər birinizi həyatın yeni mərhələsinə yola salmağın qürurunu yaşayırıq. Sizə uğurlar və müvəffəqiyyətlər.  

05 iyun 2024-cü il tarixində Azərbaycan Dövlət İqtisad Universitetinin nəzdində Qida Sənayesi Kollecində “Korrupsiya qlobal problem kimi” adlı maarifləndirici tədbir keçirilmişdir. Tədbirdə ilk olaraq kollecin sosioloqu Xəyalə Həsənova çıxış etmiş, korrupsiya haqqında məlumat verərək çıxış üçün Nizami rayon polis mayoru Natiq Yusifovu dəvət etmişdir. O öz çıxışında tədbirdə iştirak edən müəllim və tələbə kollektivini korrupsiya ilə mübarizə aparmaqda hüquq mühafizə orqanlarına köməklik etməyi tövsiyyə etmişdir.

7 iyun Beynəlxalq Qida Təhlükəsizliyi günü münasibətilə UNEC nəzdində Qida Sənayesi Kollecində 4 iyun 2024-cü il tarixində “Əmtəəşünaslıq və ekspertiza” fənn birləşmə komissiyasının sədri Ramilə Bilalova tərəfindən dəyirmi masa keçirilmişdir. Dəyirmi masa  “Qida təhlükəsizliyi: gözlənilməz hallara hazır ol” şüarı üzərində qurulmuşdur.