Bu gün UNEC nəzdində fəaliyyət göstərən 3 kollecə yeni təyin olunmuş direktorlarla görüş keçirilib. "Kollec təhsilinin əhəmiyyəti və müasir tələblərə cavab verməsi üçün zəruri addımların atılmasının vacibliyini nəzərə alaraq bu gündən yeni direktorlar üçün təlimlərə start verdik. Bir daha yeni təyin olunmuş direktorları - Davud Davudovu, Sevinc Həmzəyevanı və Şəhriyar Laçınovu təbrik edir və uğurlar arzu edirəm. Hər şey daha da yaxşı olacaq!"

2024-cü ilin COP29 tədbirinin ölkəmizdə keçirilməsi ilə əlaqədar Azərbaycan Dövlət İqtisad Universitetinin nəzdində Qida Sənayesi Kolleci tərəfindən növbəti tədbir keçirilmişdir.  Dəyirmi masa“Kimya, biologiya, ekologiya və sanitar-gigiyena“ fənn birləşmə müəllimi Fərəh  Qurbanova və “Ümumi iqtisadiyyat və idarəetmə” fənn birləşmə müəllimi Xalidə Səlimova  tərəfindən təşkil edilmişdir.

Kolleclərə yeni direktorlar təyin olunub. Elm və Ali Təhsil üzrə Dövlət Agentliyinin müvafiq əmri ilə Şəhriyar Laçınov Azərbaycan Dövlət İqtisad Universitetinin nəzdində Sosial-İqtisadi Kollecinə, Sevinc Həmzəyeva Qida Sənayesi Kollecinə və Davud Davudov Maliyyə-İqtisad Kollecinə direktor təyin edilib.

Nizami Rayon İcra Hakimiyyəti və YAP Nizami rayon təşkilatının birgə təşkilatçılığı ilə 26 iyun Azərbaycan Respublikası Silahlı Qüvvələri Günü münasibətilə tədbir keçirilib. Tədbirdə UNEC nəzdində Qida Sənayesi kollecinin Mehmanxana və turizm şöbəsinin müdiri Aytən Ağayeva,metodist Leyla Fətəliyeva, Gənclərin çağırışa qədərki hazırlıq müəllimi Hüseyn Quliyev iştirak etmişdir. Bütün əsgər və sabitlərimizi təbrik edir,şəhidlərimizin əziz xatirəsini ehtiramla yad edirik.

UNEC nəzdində Qida Sənayesi Kollecinin Qida ekspertizası laboratoriyasının müdiri Sevda Süleymanovanın doğum günüdür. Sevda xanımı 50 illik yubileyi münasibətilə kollektiv üzvləri təbrik edir, ona sağlıqlı həyat,işlərində uğurlar arzulayırlar.

HÖRMƏTLİ ƏDALƏT MÜƏLLİM! Sizi və çox dəyərli UNEC ailəmizin bütün üzvlərini Milli Qurtuluş Günü və Müqəddəs Qurban Bayramı münasibətilə səmimi qəlbdən təbrik edirik, bacarıqlı rəhbərliyinizlə əldə etdiyimiz uğurların davamlı olacağına inanırıq. Hörmətlə, UNEC-in nəzdində Qida Sənayesi Kollecin kollektivi adından direktor Sevinc Həmzəyevə.

Azərbaycan Dövlət İqtisad Universitetinin nəzdində Qida Sənayesi Kollecinin rəhbər heyətində dəyişiklik olmuşdur. Azərbaycan Dövlət İqtisad Universitetinin prorektoru Gəray Musayev təqdimat üçün kollecə gəlmişdir. O çıxış edərək Vilayət İsmayılovun fəaliyyəti dövründə qazandığı uğurlara görə UNEC-in rektoru professor Ədalət Muradov tərəfindən Fəxri fərmanla təltif olunduğuna görə təbrik edərək ona gələcək həyatında, fəaliyyətində uğurlar arzu etmişdir.