20 Sentyabr – Dövlət Suverenliyi Günü münasibətilə UNEC nəzdində Qida Sənayesi Kollecində dəyirmi masa təşkil olundu. Tədbirdə müəllim və tələbələr dövlətimizin müstəqillik yolunda keçdiyi tarixi mərhələləri müzakirə edərək, suverenliyin milli kimliyimiz üçün nə qədər əhəmiyyətli olduğunu vurğuladılar. Tələbələr gənc nəsil olaraq onlara düşən əsas vəzifənin bu dəyərləri qorumaq, inkişaf etdirmək və gələcək nəsillərə çatdırmaq olduğunu qeyd etdilər.

Qida Sənayesi Kollecində orta ixtisas təhsili müəssisələrinin tələbələri üçün “Azərbaycan tarixi” dərsliyinin təqdimatı keçirildi. Elm və Təhsil naziri Emin Əmrullayevin əmri ilə UNEC-in nəzdində Qida Sənayesi Kollecinin direktoru Həmzəyeva Sevinc Məhəmməd qızının müəllifi olduğu “Azərbaycan tarixi” dərsliyinə nəşr hüququ verilmişdir. 18 sentyabr 2025-ci il tarixində Kollecdə keçirilən dərsliyin təqdimat mərasimi böyük maraq və ruh yüksəkliyi ilə yadda qaldı. Tədbirdə kollecin rəhbərliyi, müəllim heyəti və fənn müəllimləri iştirak etdilər.

UNEC nəzdində Qida Sənayesi Kollecində Bilik Günü qeyd olundu 15 sentyabr – Bilik günü münasibətilə UNEC nəzdində Qida Sənayesi Kollecində tədbir keçirilib. İlk dərs günündə kollecin rəhbərliyi və müəllim heyəti tələbələrlə bir araya gəlib.

Qida Sənayesi Kollecində “Silahlı Qüvvələr Günü” münasibətilə tədbir keçirilib. 25 iyun 2025-ci il tarixində UNEC nəzdində Qida Sənayesi Kollecində “Azərbaycan Respublikasının Silahlı Qüvvələri Günü” münasibətilə tədbir təşkil olunub. Tədbiri giriş sözü ilə Həmkarlar İttifaqı Komitəsinin sədri Mehdiyeva Samirə açaraq iştirakçıları salamlayıb, bu günün əhəmiyyətindən danışıb. O, Azərbaycan Silahlı Qüvvələrinin keçdiyi inkişaf yolundan və gənclərin hərbi vətənpərvərlik ruhunda tərbiyəsinin vacibliyindən bəhs edib.

Nizami Rayon İcra Hakimiyyətinin təşkilatçılığı ilə “Konstitusiya və Suverenlik İli” çərçivəsində “Hüququn zirvəsinə səfər” layihəsi həyata keçirilmişdir.

UNEC nəzdində Qida Sənayesi Kollecində 2025-ci il məzunları üçün möhtəşəm tədbir keçirildi! Tədbir kollecin 2025-ci il məzunlarına həsr olundu. Sevincli anlar, duyğulu çıxışlar, təşəkkürlər və unudulmaz xatirələrlə dolu bir gün məzunların həyatında yeni bir mərhələnin başlanğıcı oldu. Yolunuz açıq olsun, əziz məzunlar!

7 iyun – Beynəlxalq Qida Günü münasibətilə Qida Sənayesi Kollecində maarifləndirmə yönümlü xüsusi tədbir təşkil olundu. Tədbirin əsas qonağı – tanınmış qida eksperti, sahə üzrə peşəkar mütəxəssis Ağa Salamov oldu.