Bu gün UNEC nəzdində Qida Sənayesi Kolleci tərəfindən korrupsiyaya qarşı mübarizənin gücləndirilməsi məqsədilə maarifləndirici tədbir təşkil olunub. Tədbir, şəffaflığın artırılması, ictimai nəzarətin gücləndirilməsi və antikorrupsiya dəyərlərinin təşviqi istiqamətində atılan növbəti addım olub.

Qida Sənayesi Kollecində Aprel döyüşlərinə həsr olunmuş dəyirmi masa keçirilib Qida Sənayesi Kollecində keçirilən dəyirmi masa zamanı tarix müəllimi Rasim Rzaxanov və Firudin Orucov çıxış edərək Aprel döyüşlərinin milli ruhun dirçəlməsindəki rolundan və qəhrəman şəhidlərimizin tariximizdəki əvəzsiz xidmətlərinden bəhs ediblər. Onlar gəncləri bu qəhrəmanlıq nümunələrindən ilhamlanmağa, vətənə daim sədaqətli olmağa çağırıblar.

UNEC nəzdində Qida Sənayesi Kollecində Novruz bayramı münasibətilə keçirilən təntənəli tədbir tələbə və müəllim kollektivini bir araya gətirdi. Bu münasibətlə kollecdə təşkil olunan tədbirdə milli adət-ənənələrimizə uyğun proqram təqdim olundu. Tədbir çərçivəsində tonqal qalanıb, milli oyunlar keçirildi, musiqi və rəqs proqramları ilə bayram ab-havası daha da canlandı.

Azərbaycan Dövlət İqtisad Universitetinin nəzdində Qida Sənayesi Kollecinin Tələbə Gənclər Təşkilatının təşkilatçılığı ilə tələbələr üçün təlim xarakterli görüş keçirilmişdir. Tədbirin açılışında Tələbə Gənclər Təşkilatının sədri Əzizov Ülvi çıxış edərək mövzunun tələbələr üçün əhəmiyyətindən bəhs etmiş və onlara gələcək karyeralarında uğurlar arzulamışdır. Tədbirdə kadrlar üzrə mütəxəssis Hacıyeva Günel “Peşəkar yol: Necə başlamaq və irəliləmək?” mövzusunda təqdimatla çıxış etmişdir. Görüş çərçivəsində karyera inkişafı, uğura gedən yol, CV hazırlanması və digər vacib mövzular müzakirə

UNEC nəzdində Qida Sənayesi Kolleci tələbələri “2025-ci ilin Konstitusiya və Suverenlik İli” çərçivəsində Azərbaycan Respublikası Əqli Mülkiyyət Agentliyinin tabeliyində olan Respublika Elmi-Texniki Kitabxanasında təşkil edilən “Azərbaycan Doğma Diyar” adlı kitab və rəsm sərgisində iştirak ediblər. Tədbir çərçivəsində tələbələrə Azərbaycan dövlətçiliyinin tarixi, Konstitusiyanın əhəmiyyəti və milli suverenlik anlayışı barədə ətraflı məlumat verilib.

UNEC nəzdində Qida Sənayesi Kollecində Nizami Rayon Polis İdarəsinin təşkilatçılığı ilə "Gender və narkomaniyaya qarşı mübarizə" mövzusunda maarifləndirici təlim keçirilib. Təlimdə iştirakçılara gender bərabərliyi, cəmiyyətin inkişafında qadın və kişilərin bərabər hüquq və imkanlara malik olmasının əhəmiyyəti, narkomaniyanın fəsadları, gənclər arasında yayılmasının qarşısının alınması yolları barədə ətraflı məlumat verilib. Tədbirdə həmçinin mütəxəssislər tərəfindən interaktiv müzakirələr aparılıb, iştirakçıların sualları cavablandırılıb və mövzu ətrafında fikir mübadiləsi aparılıb.

Bəsti Hacıyeva tərəfindən "Sağlam həyat tərzinin insan psixologiyasına təsiri "nə aid təlim keçirildi