ADIU-nun nəzdində Qida Sənayesi kollecinin Psixoloqu Bəsti Hacıyeva tərəfindən "Ağ ölümə gedən yol" mövzusunda təlim keçirilmişdir. Təlimin keçirilməsində məqsəd: ●Tələbələrə narkomaniya, alkoqolizm və digər zərərli vərdişlərin fəsadları barədə geniş məlumat vermək; ●Sağlam həyat tərzinin vacibliyini vurğulamaq; ●Tələbələrdə pis vərdişlərə qarşı şüurlu davranış formalaşdırmaqdır.

ADIU- nun nəzdində Qida Senayesi Kollecinin psixoloqu Bəsti Haciyeva tərəfindən 10 oktyabr "Ümumdünya Psixi və Sağlamlıq günü" nə həsr olunmuş maarifləndirici təlim keçirildi. Təlimin kecirilməsində məqsəd tələbələrə psixi sağlamlığın nə olduğunu, onun həyat keyfiyyətinə necə təsir etdiyini və hər kəs üçün vacibliyini anlatmaq, onların ruhi sağlamlığa dair maariflənməsini və psixoloji rifahını gücləndirməkdir.

27 Sentyabr - Anım Günü ilə əlaqədar Gənclər və Tələbə Təşkilatlarının rəhbərləri, həmçinin 2000- dən çox aktiv tələbənin iştirakı ilə Zəfər abidəsinə ziyarət təşkil olunub. Vətənimizin azadlığı və bütövlüyü uğrunda canından keçən qəhrəmanlarımızı dərin ehtiramla yad edirik!

UNEC nəzdində Qida Sənayesi Kollecində 27 Sentyabr – Anım Gününün 5-ci ildönümü münasibətilə tədbir keçirilmişdir. Tədbirdə tələbələr öz çıxışları ilə Vətənə olan sevgilərini ifadə etmiş, şeirlər səsləndirmiş və vətənpərvər mahnılar ifa edərək şəhidlərimizə dərin ehtiramlarını nümayiş etdirmişlər. Sonda isə şəhidlərimizin əziz xatirəsinə həsr olunmuş videoçarx nümayiş etdirilmişdir.

UNEC nəzdində Qida Sənayesi Kollecində Anım gününə həsr edilmiş “YAŞAYAN XATİRƏLƏR” adlı rəsm sərgisi təşkil olundu. Anım Gününün 5-ci ildönümü münasibətilə kollecin həyətində təşkil edilən sərgidə tələbələrin hazırladığı əsərlər Vətən uğrunda canından keçən qəhrəman övladlarımızın əziz xatirəsinə həsr olunmuşdur.

2025-ci il sentyabrın 25-də UNEC nəzdində Qida Sənayesi Kollecində tarix müəllimi Kazımova Vüsalə Aydın qızı tərəfindən 27 Sentyabr – Anım Gününə həsr olunmuş seminar təşkil olunmuşdur. Tədbirin keçirilməsində məqsəd tələbələrə Vətən müharibəsinin gedişatı, bu müharibədə xalqımızın göstərdiyi birlik və həmrəylik nümunələri, həmçinin torpaqlarımızın azadlığı uğrunda canından keçən şəhidlərimizin və qəhrəman döyüşçülərimizin şücaəti barədə ətraflı məlumat vermək olmuşdur.

21 sentyabr – Beynəlxalq Sülh Günü Birləşmiş Millətlər Təşkilatının qərarı ilə hər il 21 sentyabr dünyada Beynəlxalq Sülh Günü kimi qeyd olunur. Bu gün zorakılığın azaldılması, qarşılıqlı anlaşmanın gücləndirilməsi və barışın təbliği üçün xüsusi əhəmiyyət daşıyır. Bu münasibətlə UNEC nəzdində Qida Sənayesi Kollecində tələbə və müəllim heyətinin iştirakı ilə “Sülhün dəyəri” mövzusunda dəyirmi masa təşkil olunub. Tədbirdə sülhün bəşəri dəyər olaraq qorunmasının vacibliyi vurğulanıb, iştirakçılar öz fikir və mülahizələrini bölüşüblər.