Elm və Ali Təhsil üzrə Dövlət Agentliyinin müvafiq əmri ilə İsmayıl Məmmədov Azərbaycan Dövlət İqtisad Universitetinin nəzdində Qida Sənayesi kollecinə tədris işləri üzrə direktor müavini vəzifəsinə təyin edilib.

12 dekabr – Ümummilli Lider Heydər Əliyevin anım günü münasibətilə UNEC-in nəzdində Qida Sənayesi Kollecinin kitabxanasında tədbir keçirilmişdir. Tədbiri Tərbiyə işləri üzrə direktor müavini Aytən Ağayeva açaraq iştirakçıları salamlamış və anım gününün əhəmiyyətindən danışmışdır. Kitabxana müdiri Cümşüdova Zülfiyyə və kitabxanaçı Məmmədova Nazimə tədbirin məzmunu haqqında məlumat vermiş, Ulu Öndər Heydər Əliyevin həyat və fəaliyyətinə dair videoçarxlar nümayiş etdirilmişdir. Daha sonra tələbələr Ulu Öndərə həsr olunan şeirlər səsləndirmişlər.

ADIU-nun nəzdində Qida Sənayesi Kollecinin Hüquq müəlliməsi Aytən Paşa tərəfindən tələbələrin maarifləndirilməsi məqsədilə “İnsan alverinə qarşı mübarizə və təhlükəsizlik tədbirləri” mövzusunda təlim təşkil olundu.

UNEC nəzdində Qida Sənayesi Kollecində ana dilinin saflığının qorunması və təbliği məqsədi ilə maarifləndirici tədbir təşkil olunub. Nitq təlimçisi Röya Ağayevanın təqdimatında keçirilən tədbirdə ana dilinin düzgün istifadəsi, nitq mədəniyyəti və ifadə bacarıqlarının inkişafı barədə məlumatlar verilib. Proqram çərçivəsində tələbələr arasında müxtəlif yarışlar təşkil olunub, onların dil bilikləri və nitq bacarıqları qiymətləndirilib. Sonda yarış qalibləri hədiyyələrlə mükafatlandırılaraq təşəkkür olunublar.”

UNEC nəzdində Qida Sənayesi Kollecinə Tələbə Təhsil Krediti Fondu tərəfindən növbəti maarifləndirici səfər həyata keçirilib. Görüş çərçivəsində ödənişli təhsildə olan tələbələrlə geniş şəkildə təlim keçirilib, Tələbə Təhsil Kreditinin verilməsi, ödəniş qaydaları və üstünlükləri barədə ətraflı məlumat verilib.

ADIU-nun nəzdində Qida Sənayesi Kollecinin hüquq müəllimi Aytən Paşa tərəfindən tələbələrin hüquqi maarifləndirilməsi məqsədilə “İnsan hüquqları və onların qorunması” mövzusunda təlim təşkil olunub. Təlim zamanı tələbələrə insan hüquqlarının mahiyyəti, əsas prinsipləri, hüquqi təminatlar, eləcə də hüquq pozuntuları zamanı müraciət mexanizmləri barədə geniş məlumat verilib.

ADIU -nun nəzdində Qida Sənayesi Kollecinin psixoloqu Bəsti Haciyeva tərəfindən tələbələr arasında “ Cins seçiminin qarşısının alınması” mövzusunda əhatəli psixoloji maarifləndirici təlim keçirildi. Təlimin məqsədi gənclərdə gender yanaşmasının düzgün formalaşdırılması, cinsə görə ayrı-seçkiliyin psixoloji köklərinin anlaşılması və cins seçimi kimi ciddi sosial problemin fəsadları barədə məlumatlılığın artırılması idi. Təlim zamanı aşağıdakı məqamlar geniş şəkildə izah olundu: