Litvanın Kauno maisto pramonės ir prekybos mokymo centras (Kauanas Qida Sənayesi və Ticarət Peşə Tədris Mərkəzi) nümayəndəsi Asta Valait-Brish xanımı Bakıda görməkdən məmnun olduq! Asta Valait-Brish: Səmimi qəbula görə Sevinc Xəmzəyevaya və Azərbaycan Dövlət İqtisad Universiteti nəzdində Qida Sənayesi Kollecinə təşəkkürümüzü bildiririk.

06.11.2025-ci il tarixində Kollecin psixoloqu Bəsti Hacıyeva və sosioloq Xəyalə Həsənova “Uşaqların hüquqlarının müdafiəsi günü” ilə əlaqədar maraqlı və maarifləndirici tədbir keçirmişlər.

Bu gün Nizami Rayon İcra Hakimiyyəti və YAP Nizami rayon təşkilatının birgə təşkilatçılığı ilə 8 Noyabr – Zəfər Gününün 5-ci ildönümü münasibətilə millət vəkillərinin, geniş rayon ictimaiyyətinin, şəhid ailələrinin, qazilərin və gənclərin iştirakı ilə "Şanlı Zəfər – milli qürurumuzun təntənəsi" adlı ümumrayon tədbirində iştirak etdik

03.11.2025-ci il tarixində Mülki Müdafiə qüvvələrinin “Xəbərdarlıq siqnallarının verilməsi və onlara əməl olunması qaydaları” mövzusunda keçirilən xəbərdarlıq toplanışı çərçivəsində təlim təşkil olundu. Təlimin əsas məqsədi fövqəladə hallar zamanı əhalinin təhlükə barədə vaxtında xəbərdar edilməsi, həmçinin düzgün davranış və hərəkət qaydalarının öyrədilməsi idi. Məşğələ Həşimova Ülviyyə tərəfindən aparıldı. Təlim iştirakçılar üçün maarifləndirici və faydalı oldu, fövqəladə hallarda düzgün davranış vərdişlərinin formalaşmasına xidmət etdi.

Azərbaycan ədəbiyyatının görkəmli nümayəndəsi, Xalq şairi Bəxtiyar Vahabzadənin 100 illik yubileyi münasibətilə UNEC nəzdində Qida Sənayesi Kollecində ədəbi-bədii tədbir təşkil olundu. Tədbirdə böyük şairin zəngin ədəbi irsi, vətənpərvərlik ruhunda yazılmış əsərləri, milli dəyərlərin qorunmasında və gənclərin mənəvi tərbiyəsində oynadığı mühüm rol haqqında geniş məlumat verildi.

18 oktyabr – Müstəqilliyin Bərpası Günü, yaxud köhnə adı ilə Milli Müstəqillik Günü, Azərbaycan tarixinin ən mühüm və qürurverici səhifələrindən biridir. Bu münasibətlə UNEC nəzdində Qida Sənayesi Kollecində tələbə və müəllim heyətinin iştirakı ilə “Azadlığın səsi” mövzusunda dəyirmi masa təşkil olumuşdur. Dəyirmi masada müstəqilliyimizi qazanmaq üçün xalqımızın keçdiyi tarixi yoldan, Ümummilli Lider Heydər Əliyevin əvəzsiz xidmətlərindən danışılmışdır. Azadlığımız uğrunda canlarını fəda etmiş şəhidlərimiz ehtiramla yad edilmişdir.

UNEC nəzdində Qida Sənayesi Kollecində kitabxana işçilərinin təşkilatçılığı ilə 18 oktyabr "Müstəqilliyin Bərpası Günü" münasibətilə tədbir keçirilmişdir. Tədbir zamanı müstəqilliyimizin şanlı tarixini əks etdirən videoçarx nümayiş etdirilmiş, tələbələr Vətənə sevgi və azadlıq duyğusu ifadə edən mahnılar oxumuş, şeirlər söyləmişlər.